خرجات فيا عينها وقلت ليا واش كتبغيني !!

خرجات فيا عينها وقلت ليا واش كتبغيني !!

قلت ليها من نيتك كتسولي هاد سؤال !!

عاودت سولتني نفس سؤال والملامح ديال وجها متبدلوش ... فلان واش كتبغيني !!

أول مرة نشوفها كتسولني بهاد الطريقة وأول مرة نشوف هاد الجدية فوجها ..

بقيت ساكت وقلت مع راسي مال هادي كتسولني سؤال اللي هي عارفة الجواب ديالو زعما .. قلت ليها فلانة مالك !!

هاد المرة زادت فنبرة ديال صوة ديلها وعاودتها بجهد  وقلت ليا ... راني سولتك واااش كتبغبني !!

أول حاجة قلت انا هية .. وليني نهااار هاداا ...  وبديت كنقول مع راسي  أو مال هادي ؟ يكما شي حد قليها شي حاجة ؟ أو يكما انا درت شي حاجة بدون قصد أو أو ...

قلت مع راسي صافي بغات تسمعها انا نقولها ليها ونهني راسي ...

قلت ليها ..  اه كنبغيك

غير انا قلتها هما يتبدلو الملامح ديال وجها وعينها غرغرو وعنقاتني ...  وقلت ليا حتى انا كنبغيك وبقات معنقاني واحد المدة .. فديك الوقت اللي هي معنقاني سولت راسي وقتاش اخر مرة قتليها كنبغيك وقتاش اخر مرة عنقتها شي تعنيقة طوييييلة شي تعنيقة اللي نسمع فيها دقات ديال قلبها !!!

ونا كنسول راسي هاد الأسئله كاملة لقيتني حتى أنا براسي موحش تعنيقة ديلها موحشها وهي حدايا ....

ماحسيتش براس حتى لقيت تعنيقة ديالي تبدلت زيرت عليها بحال شي طفل صغير مابغيش ماماه تخرج وتخليه .. وقلت ليها بنفس الحدة ديال سؤال ديلها كنبغيييبك افلانة ⁦❤️⁩

عمرك تقول صافي راها عارفني كنبغيها ولا عارفني كنبغيه .... هي مامحتاجاش تسمعها ولا هو مامحتاجش يسمعها ... لا خليكم ديما فالحلاوة ديال البداية وستغل أي وقت واي فرصة باش تقول لداك الإنسان اللي نت كتبغي بلي انا بغيتك لبارح وحتى ليوم بغيتك .. وغادي نبقا ديما نبغيك وديما نتوحشك وديما نعنقك 💕 🌹

Kanbghik كنبغيك

شاهد أيضا : خواطر جميلة وقصيرة عن الحياة من هنا